今日係平安夜，過咗一個超攰同超忙嘅一日！今朝一早低能仔就同我去食咗個平安早餐，然後佢就送我去搭車，之後佢就去BB蕉！
下晝嘅時候又有訪問，忙到隻狗咁~(*+﹏+*)~搞到成5點先去 Lunch，不過今日比較特別，陪我食飯嗰個係 Irene。。。同 Irene傾咗好多公司嘅嘢，boss 佢哋真係好厲害，咁都 feel到我想辭職，搞到好似冇嘢可以呃到佢哋咁！！
今日低能仔 BB蕉完就返咗屋企，佢話夜晚會去香港仔，唔知點解我好驚佢會約咗‘她’！我真係好驚好驚。。。我好驚有啲嘢又要重新面對多一次！
今晚收工冇低能仔接我，原本諗住食埋先返去，但一來人太多， 二來我冇乜心情自己食嘢~T_T~所以最後我返到去先食，低能仔落咗嚟陪我食，仲帶咗一袋二袋落嚟俾我，除咗聖誕禮物外，仲有一支感冒茶~(*+﹏+*)~而我就專登響 Sogo買咗個聖誕蛋糕俾佢，因為我好想佢可以過一個好似個蛋糕咁 sweet嘅聖誕！始終呢個係我哋第一個一齊過嘅聖誕節♥
低能仔，多謝你份聖誕禮物！我好鍾意好鍾意。。。♥ u so much...
分類: 我們的生活點滴 |
