Merry Christmas.... 今個係我同低能仔一齊過的第一個聖誕節，我同佢都各自各返工，冇特別去慶祝！
今朝同屋企人食咗早餐先返工，幸好都仲有個朝早 family day，如果唔係今個聖誕節根本冇可能陪屋企人！
今日依然都係忙，食咗啲藥依然好攰。。。今日低能仔冇乜揾過我，平時佢食飯嘅時候都會揾我，但今日佢除咗食飯之外，仲連收工都冇揾過我-_-///我好掛住佢！！好唔容易先捱到9點，因為有人話今晚會嚟接我，所以我一早埋定數，今晚準時收工！但我收工嘅時候，人影都唔見隻！！！！仲要 Whatsapp佢，佢又唔覆~(*+﹏+*)~結果原來有人自己去咗濕平囉∼
佢濕平完之後，就行咗過嚟接埋我先去食飯，今晚我哋去咗間 cafe食嘢，其實我覺得簡簡單單同佢食一餐飯已經好足夠，我唔需要好特別嘅慶祝，我只係需要有你響身邊已經足夠！今個聖誕節有你響身邊，我終於都覺得唔再係 lonely Christmas了！
分類: 我們的生活點滴 |
