終於都星期五喇！忙咗成個星期，聽日可以抖吓，兼且可以同低能仔去玩，好期待好期待好期待聽日！
今日把聲依然都係沙，仲係咁咳！所以返到公司交低啲嘢後，我去咗睇醫生。。。原本應該要扣番1.5/hrs 比公司，但boss 佢哋話唔使，照計番錢比我↖(^▽^)↗返去搞埋一輪嘢後，我要提早食飯，兼且仲要去觀塘拎嘢。。。所以今日下晝我響鋪頭嘅時間唔多！不過可能因為今日成日都行嚟行去嘅關係，超攰囉∼
尋晚我將我同佢嘅相放咗上 Facebook，佢係第一個我會將我同佢嘅相放上 Facebook嘅人，我從來都唔鍾意將自己嘅感情咁高調放上 Facebook，我唔鍾意自己鍾意嘅人，俾其他人評頭品足。。。但佢令我將我最後嘅底線都一一為佢改變晒。。。
當人人都覺得我好幸福嘅時候，唔知又有冇人會諗，其實我冇安全感呢？或者應該話，當你遇到一個你好想佢可以陪你行到最後，而明知又冇可能嘅人時，嗰種感覺其實唔多好受，所有嘢都似陳柏宇首歌“再見不再見”首歌咁……
今晚低能仔收工後會同朋友去唱歌，唔知佢會唔會嚟接我呢？
分類: 我們的生活點滴 |
