依家出緊去等低能仔收工，雖然出面真係好凍，但為咗佢一切都值得。。。
今朝瞓醒見唔到佢 msg有啲失望，同佢拍咗拖咁耐，我無因為過我哋感情穩定咗，而習慣晒佢所做嘅嘢，我依然會期待佢嘅 msg，我依然會好在乎佢所講嘅一切，我依然會每日都好掛住佢同想見佢∼
我 Whatsapp完佢之後，隔咗一陣佢就打電話俾我，佢同我講佢每日都有睇我個 blog，佢依然好想知響我眼中，佢究竟係一個乜嘢人！其實我都一樣好想知，我響你眼中又係一個乜嘢人？一個點樣嘅女朋友？只可惜我根本唔知道響你心目中我係一個點嘅女朋友。。。
低能仔，一直以嚟我都係一個冇乜耐性嘅人，不論係對工作又或者感情都係！如果覺得嗰樣嘢唔適合自己，我會好容易分心甚至唔想再面對，起初我好怕自己對住你都會係咁，雖然日子耐咗，但呢種感覺依然都冇出現過，相返仲好似越嚟越愛∼響我眼中，你係一個好好嘅男朋，你對我嘅細心，我完全感受得到。。。你知嘛，最近我咪好鍾意響你面前嘈住要食煙，其實我係專登架！我好鍾意見到你好緊張咁嗌唔準。。。因為嗰種感覺好實在！或者因為越愛、越在乎，所以先會好怕失去，同時亦覺得幸福得唔真實∼兼且好怕自己對你根本未夠好！
分類: 我們的生活點滴 |
