終於都做完2013年最後一件工作喇！聽日係2013年嘅最後一日，可以放假放到2014年嘅1月2日先返工，真係好(*¯︶¯*)我要好好珍惜呢兩日嘅假期至得。。。。
雖然聽日放假，但我將會巧忙，因為我要預備一個驚喜俾低能仔，為咗呢個驚喜，我已經響星期六開始準備定，雖然已經苦練咗好多次，亦未試過失敗，但我依然好大壓力。。。因為我好怕低能仔會唔鍾意我為佢預備嘅驚喜，亦好怕佢會嫌棄呢個驚喜，所以每次親手整嘢俾佢，其實都有好大壓力！！
今日低能仔休息，但佢一早起身同我去食早餐，之後仲送我搭車返工(^3^)有人話今日唔出街，乖乖哋響屋企温書，迎接聽日最後一科考試，因為咁，尋晚等佢收工後，我哋一齊去咗買定啲麵包同蛋糕俾佢今日食，原來為佢預備定第二日嘅嘢食，種感覺係咁 sweet同幸福架！我好希望將來可以有機會，每日都為你預備定嘢食。。。低能仔，唔知你又有冇覺得幸福呢？
今晚佢依然出咗嚟接我，未收工時已經開始好肚餓，所以個胃好痛，一收工佢就帶咗我去食嘢，然後行咗一陣就搭車返屋企，好耐都未試過響車攬住佢瞓得咁舒服喇！你知唔知我真係好鍾意好鍾意攬住你瞓？今晚仲有人送埋我返屋企添。。。嘻嘻！！
