1314。。。
今日係2013年最後一日，當個個好開心咁倒數時，我同佢。。。。
2013年改變咗我好多嘢，當中包括我嘅感情！曾經我都以為自己好幸福，份工有 boss對我咁好，屋企有家人錫，愛情方面又有低能仔！但呢一切可能嚟得太好，又或者我根本唔配擁有咁好，所以每次當有啲咩唔妥嘅時候，我都會感覺得到！呢一啲感覺對我嚟講，究竟係好事定壞事呢？？？
假如要2013年大事回顧的話，我只可以話，我自問由2013年5月20号開始，對呢段感情都心甘情願咁付出，不論要付出幾多眼淚，幾多痛都好，每一次我都要自己要忘記，因為我相信真係會有童話故事，所以我每做一樣嘢，我都會諗咗佢先！每做一樣嘢，我都會迫自己要做得好好。。。我只係希望會令佢覺得幸福！越迫自己做得更好，得到的亦未必係預期中咁，但我從來都冇後悔過，可能因為當日佢所流嘅眼淚，一直都響我嘅腦裡面！亦因為當初嘅一切，所以我對我身邊嘅人都會有所避忌，就算佢哋速遞禮物嚟，我從來都唔會主動揾佢哋！我只係唔想令佢受到我當日所受過嘅傷害。。。但係咪咁樣都未必能夠做到一個值得愛嘅女人？值得擁有一個身份嘅女朋友？？
今日同佢食完早餐後，我好努力咁響屋企整蛋糕，目的只係希望佢會開心。。。呢個蛋糕對我嚟講意義好大，亦係我最用心咁去整嘅一次，因為佢係低能仔最愛嘅蛋糕！整完之後，我望住個蛋糕不停諗佢收到會唔會開心？會唔會感動？兼且會唔會覺得幸福呢？
今晚我哋冇出去，只係響屋企二人世界，佢煮晚餐俾我食，而我就落街買佢鍾意食嘅嘢，兩個人簡簡單單咁響屋企食飯，一齊睇電視種感覺好温馨。。。
經過今晚後，係咪真係可以先苦後甜？
春天的約定 二月滿天星
但愿牡丹開遍了門庭
但是我等不到你 從無旁人見證
剩下了煙花撒滿倒影
出海的約定 六月看風景
漫步布吉可會更忘形
愿望也給蒸發了 為何全無記性
剩下烏聲敲破了夢境
承諾的 一次一次一次有希望
最后你亦叫我期望又失望
不忍怪你 亦管不得說謊
人一次一次一次也驚慌
能跟你把臂一次也相當希罕
盡管爽約 亦部不敢沮喪
冬天的約定 踏著那乾冰
共用領巾走過了繁榮
落葉散開只有我
悠悠長雪徑 望著雪花遮蓋了視聽
