今日個肚痛得好緊要，痛到係咁出冷汗。。。嗰種痛令我痛到好攰好攰！咁啱低能仔今日唔使返工，所以可以出嚟接我早走-_-///不過有個傻佬一知我肚痛，竟然問我係咪有咗？？嗰一刻雖然好痛，但亦忍唔住笑咗出嚟！點解我肚痛佢會諗係咪有咗架呢？
其實呢個問題，我亦曾經問過自己！假如我真係有咗佢 BB，我又會點呢？到最後我嘅答案係，即使我有咗，我都唔會要佢負任何責任！我會選擇離開佢，兼且會自己生個 BB出嚟。。。因為佢要行嘅路仲有好長，冇必要為咗我而失去一切！我更諗過假如真係有咗，如果係男仔嘅話，會用番低能仔嘅中、英文名做 BB個名，因為低能仔係我最愛嘅人，所以我好希望 BB 可以用番佢個名！我好希望假如真係因為有咗而失去佢，我都依然可以擁有一樣屬於我同佢嘅嘢。。。就好似佢仍然留響我身邊一樣！
分類: 我們的生活點滴 |
