今日已經係 sick leave嘅第三日，抖埋聽日就返工！做咁耐嘢，從未試過連請咁多日病假。。。
尋晚半夜又係咁發冷發熱，已經連續兩晚係咁，真係好辛苦！結果頂唔順要去睇急症。。。醫生話我好厲害，正常人痛到咁應該已經頂唔順，我發燒亦唔係因為感冒，而係炎症引起嘅發燒，佢話好少人會發燒，所以一發燒已經代表我應該好辛苦。。。
今日成日響屋企瞓，個人好攰。。。食咗啲藥好想嘔~T_T~低能仔知我病咗，就響公司早走返嚟睇我，知到嗰一刻我覺得就算幾辛苦都抵，有人對我咁好∼多謝你！！
今晚食完嘢，我哋就返咗屋企，過埋僅有嘅二人世界，佢媽咪今晚就返喇！我哋再冇得攬住睇電視，再冇得攬住瞓，更加冇得一齊煮飯仔。。。我成日好怕佢媽咪返嚟後，我哋除咗會少咗見面之外，更會感情淡咗，可能我真係太怕失去佢！
分類: 我們的生活點滴 |
