Dear 低能仔，
最近我哋好似因為一個人而唔開心，所以有啲嘢，我應該要同你講！
曾經我的確好鍾意草餅，係好鍾意好鍾意嗰隻，當日嘅佢一直比我嘅感覺係一個好細心、好 gentleman嘅男人，我哋之間亦發生過好多窩心嘅嘢，但呢啲已經係過去式喇！我個心依家只係得你低能仔一個！
遇到你係我好幸運嘅事，你唔止比咗幸福嘅感覺我，仲帶多咗個人嚟對我好，嗰個就係你媽咪！你知唔知我好鍾意同你哋一齊嘅感覺，呢幾日當我望住你買比我個水壺，再望住你媽咪買比我個水壺套，我真係覺得自己好幸福，因為低能仔加低能媽就變成今日呢個低能妹♥
其實呢排你冇嚟接我，我覺得好唔開心。。。因為呢排我真係好攰，我覺得壓力又開始好大！你有冇發現我最近成日都好想食甜品？就係因為我覺得壓力大到抖唔氣，我好想食甜品平衡番我嘅負能量~(*+﹏+*)~我好想你每日見到嘅都係開心嘅低能妹。。。只可惜∼低能仔，你會唔會覺得我好冇用？少少壓力都承受唔到？？
低能仔。。。我好掛住你呀！你可唔可以應承我唔好掉低我呀？
分類: 我們的生活點滴 |
