今朝同低能仔媽咪食早餐，低能仔要我1050落到去，點知我媽咪發皮氣話我唔陪佢，結果我遲咗5分鐘。。。落到去，低能仔係咁問我幾點？？今次見佢媽咪，感覺比上次好！可能因為上次我見佢時，剛好係我唔開心嘅時候，而且當日嘅話題，亦係不停圍繞住〔她〕同低能仔嘅相。。。
食完嘢原本佢媽咪叫我上佢屋企坐，但我始終仲未習慣，所以最後低能仔幫我解圍，同咗我出灣仔行街！今日有人話要學吓對我温柔啲，到最後當然做唔到啦。。。兼且仲好大聲喝我。。。我即時反應係呆一呆，然後眼淚就不停流~T_T~衰人，你未試過咁大聲喝我架！！
佢返工之後，就不停 whatsapp我，但我嗰一刻同草餅傾緊電話，兼且我真係有啲嬲佢，所以我冇覆佢，同冇聽佢電話！但我估唔到自己，原來嬲佢都會去揾佢要嘅嘢囉。。。佢成日嘈住要買小米耳筒，但就唔知除咗上網外，仲有邊到有得買。。。結果原來298有得買，嗰一刻即時0咀，佢成日行298，都睇唔到有得賣-_-///
揾到佢想買嘅嘢，所有嬲嘅感覺即時冇晒。。。不過佢話佢鍾意第一代隻色，其實第二代嘅聲又會靚啲，以佢嘅性格，佢一定又會後悔買咗第一代，然後又會 um um 尋尋，因為佢每次都係咁=￣ω￣=所以我決定買晒兩款比佢，咁就唔使煩，哈哈。。。(*¯︶¯*)
今晚我哋冇得見，我要食團年飯，而佢就同佢婆婆慶祝生日，或者因為我哋平時每晚都會見，今晚冇得見，有啲唔知點嘅感覺咁。。。原來我已經習慣了你！
分類: 我們的生活點滴 |
