終於都嚟到年廿七，仲有三日就到我最鍾嘅新年↖(^▽^)↗返埋呢兩日，就可以開始我嘅新年假期，我要瞓返夠本至得(*¯︶¯*)
今日一返到鋪頭就開始做，一做就做到4點幾。。。成個人散晒！！今年係我第二年響呢間公司過新年，比起之前，今年真係忙咗好多，亦辛苦咗好多，或者因為負責嘅嘢多咗，所以返工做嘢嘅時間，好似一啲都唔夠用咁！！
今晚收工，同低能仔食完飯，我哋就去行花市喇。。。起初大家都笑住行，但行耐咗，大家都冇出聲，而佢亦開始冇表情！！其實唔止佢，我自己都行到冇咩心情。。。因為實在太多人~T_T~逼到個人已經憫憫哋，所以我哋好快就走咗，哈哈。。。。低能仔一出到嚟就即刻同我講對唔住，佢話佢真係唔鍾意咁多嘅地方。。。
低能仔，其實我知你唔鍾意咁逼嘅地方，但你都願意同我行，我已經好滿足！因為你已經陪我做咗，我想同你做嘅嘢，多謝你！
分類: 我們的生活點滴 |
