最難捱嘅一日已經捱過了。。。終於都可以放假喇↖(^▽^)↗不過初三開工，又開始好忙！因為要迎接嚟緊嘅情人節，今年仲要中、西情人節同一日，應該會更加忙~T_T~
今日返工係我最想死嘅一日，隔離個 uncle Raymond足足煩咗我一日。。。不停走過嚟約我睇戲！明明已經講到明我唔去，仲要死煩爛煩~(*+﹏+*)~或者因為比佢搞到已經心情唔多好，所以草餅今日落嚟時，我都好憫咁對佢。。。
草餅落到嚟送咗份禮物比我，係響日本帶番嚟嘅手信。。。不過之後我哋因為公司嘅嘢差啲鬧交！我知佢最近為公司嘅嘢好煩，而我就比 uncle Raymond，兼且呢幾日太忙又食咗藥勁攰，個人勁憫！！當兩個心情唔好嘅人撞埋一齊，就變咗火星撞地球=￣ω￣=
今晚低能仔嚟咗接我，但之前有人呃我話佢響屋企。。。嗰一刻有啲失望！！點知當我整緊嘢時，我同事同我講“妳男朋友……”我即時反應係“我知佢死咗吖嘛”原來低能仔上咗鋪頭揾我，哈哈！
放工後我哋去咗食飯，我忍唔住係咁講我今日唔開心嘅嘢，平時我好少會同佢講呢啲嘢，但同佢講完又真係舒服晒，佢真係我嘅心太軟(^3^)
今晚有人同我講，佢話自己女朋友太多人追會令自己有壓力！其實我已經揀定咗，我已經唔想再選擇！依家嘅我好幸福，有你愛我、錫我，我已經好滿足。。。我只係希望可以同你過以後嘅日子，你就係我嘅一切！
分類: 我們的生活點滴 |
