今日時間過得好快，因為忙到七彩，加上食咗啲藥個人好攰！一路忙一路中眼瞓💤
今晚七點請咗一個鐘去睇醫生，原本生意都係麻麻。。。點知返到去見到個 part-time竟然響到做埋啲無謂嘢唔sell客，即時火都嚟埋！但我都費事話佢，倒不如我自己做番好過。。。
孻叔話阿嫲食咗啲藥好咗啲，今日亦已經食返多咗嘢，兼且精神亦好咗！心情即時鬆晒，希望佢可以乖乖哋繼續食藥啦，咁我就可以放心喇❤
今晚低能仔嚟咗接我，仲大包細包咁上嚟！個傻佬買咗好多嘢比我，全部都係我最愛嘅低能仔😘其中一樣係一個攬枕，我又多一樣嘢攬住嚟瞓，今次真係名正言順咁攬住低能仔瞓喇！
低能仔預備緊情人節，而我亦都一樣有預備💞我好想可以預備得切，我好想一切可以順順利利。。。
分類: 我們的生活點滴 |
