今日都冇返工，留咗響屋企抖咗成日！
晏晝同媽咪去咗食嘢，返屋企前經過711，突然諗番起好多我剛識低能仔時嘅一切一切，原來唔經唔覺已經差唔多一年喇！諗番起當初，我成日去711見佢，整蝴蝶酥同曲奇比佢，諗盡辦法去拎佢電話。。。呢一切真係好似尋日所發生咁！諗番起呢一切，我依然覺得好暖好暖。。。呢段日子儘管發生得太多嘢，但我對佢嘅感覺依然同當日一樣，依舊係『假如可以重新嚟過嘅話，我依然會選擇認識你，等我好好愛多你一次！』
今晚低能仔同朋友去完食飯，就返嚟揾我！不過今晚我哋見嘅時間唔多，因為佢太攰，所以好早就走咗。。。今日我真係好掛住佢😭
分類: 我們的生活點滴 |
