病假終於都放完喇！今日如常要返工，連瞓四日，今日終於都好好多喇！不過仲有少少燒、把聲依然沙同仲有啲咳。。。但相比尋日，今日真係精神好多#^_^#食埋今日藥，就可以唔使食，yeah (o^^)o
無返鋪頭幾日，已經預咗有排執，但無諗過咁污糟囉！肯定好多日都冇抹塵兼抹地。。。但因為今日係星期六，所以我只係簡單咁抹一抹，留番星期一返去先慢慢搞！
今晚收6點，收工後我去咗買嘢，之後就去等低能仔收工。。。佢臨收工前 whatsapp我問我響邊？我呃佢我攰得滯返咗屋企。。。佢落到嚟見到我就響到笑，仲係咁話原來妳屋企係響呢到*^O^*其實只要見到佢笑，等幾耐都值得！今晚我哋去咗灣仔食飯，食完飯行咗一陣就返去喇！有人今晚同我行188時，買咗隻來自星星的你比我，原本我話唔買，但有人話叫我睇完就拎比佢睇，點知比完錢之後，佢竟然同我講睇完唔好拎比佢，因為佢唔睇-_-!只係知我想睇呢套戲。。。。低能仔，你知唔知你好快就寵壞我喇？！
分類: 我們的生活點滴 |
