今日休息。。。瞓到十二點幾起身時見到低能仔個whatsapp，佢用唔同嘅公仔砌咗個心比我，仲寫住 love u添，即時冧爆❤
今日佢要去比賽，佢選擇咗首我好鍾意嘅歌『差半步』！個傻佬話因為呢首歌佢會諗起我，我好想知當佢唱緊嘅時候，佢又係咪真係諗住我呢？又會諗起我啲咩呢？低能仔，之前當我聽呢首歌時，我會諗番好多唔開心直到依家嘅嘢，但最近每次當我聽呢首歌時，我諗嘅嘢已經唔同咗。。。我只會諗起我哋窩心嘅片段💞
今日成日我都響到睇關於影相嘅嘢，我好想學影相呀！我好想可以同佢拎住部相機四圍去，影低我同佢眼裡面所見到嘅一切。。。我好想用相機留住我哋最幸福嘅一刻！
夜晚佢過咗旺角接我食飯，我哋行咗一陣，十點幾就返咗屋企。。。今晚我哋一齊響屋企睇我哋嗰本相薄，種感覺好温馨呀！原來我哋可以唔使等到老咗時，都一樣可以攬住睇呢本嘢架。。。我好想可以再同佢影多啲相，再繼續整屬於我哋嘅回憶！
低能仔今晚同我講咗好多以前嘅嘢，當提到她時，我個心雖然好唔舒服，但我仍然好想聽。。。我好想知道更多關於低能仔嘅嘢，我好想了解佢多一啲。。。因為我真係好愛佢！
今日響旺角聽到一首歌，令我即時諗起你。。。。好想好想你都可以聽到！
誰令我當晚舉止失常
難自禁望君你能見諒
但覺萬分緊張 皆因跟你遇上
誰令我突然充滿幻想
誰令我音韻腦際飄揚
撩動我內心愛情醞釀
為我拔開憂傷 找得失去樂暢
誰令我仿似初戀再嘗
我心中蘊藏
愛意千百丈 怎許相依戀 永遠心相向
結伴上天際 似燕子飛翔
雙雙去編寫 動聽樂章
誰令我朝晚苦苦思量
長在我夢境永恆照亮
令我萬千猜想 分不清去向
留下了這個深刻印象
分類: 我們的生活點滴 |
