假期永遠最快完結。。。眨吓眼又到星期一，又要返工😭今日返工悶到冇朋友，生意又冇乜，嘢又做晒，只係呆等收工。。。
今晚低能仔嚟接我收工，佢好耐都冇上過嚟接我喇！一見到佢，我就成個人都精神晒😚有你嚟接我就最幸福❤
收工後我哋落咗灣仔食飯，之後仲行咗一陣。。。。但臨返去時，我哋見到有車，原本應該係追得切，不過我就好衰專登慢慢行。。。因為咁就可以對多低能仔一陣！我唔想咁快要同佢分開。。。。雖然我哋拍咗拖就快一年，但我冇因為時間耐咗而掛住佢少咗，甚至會想少啲見佢。。。相反我想見佢嘅多咗，掛住佢嘅次數亦比以前更多❤我只想無時無刻都可以見到佢，攬實佢！低能仔，其實你會唔會唔鍾意我咁架？
分類: 我們的生活點滴 |
