今日休息。。。尋晚成四點先瞓，但今朝6點就咳醒，一直都瞓唔番！低能仔今日冇返工，因為有人有好多功課要做。。。要乖乖哋留響屋企做功課！所以要迫住請假。。。。
今日天氣好熱，呢種天氣令我諗番一年前！今日食完嘢後，我返到樓下7仔嘅時候，諗番起一年前嘅我同低能仔，呢個時候咁啱低能仔響7仔行出嚟，好 surprise。。。我冇諗過當我諗起佢嘅時候，佢就會出現響我面前！但嗰一刻家姐響我後面，我就連笑都唔夠膽笑出聲，想望又唔夠膽望。。。同一年前一模一樣！其實比家姐知又點？反正同低能仔一齊嗰個係我，又唔係佢。。。
返到屋企整埋啲嘢，我就過咗低能仔屋企陪佢。。。我過到去我一直都響到諗，究竟係我陪低能仔？定低能仔陪我呢？其實我知道佢鍾意靜靜哋做功課，平時佢都係自己響屋企做，唔會叫我陪住佢，唔知佢係咪怕我響屋企悶，所以咁樣陪住我呢？
響佢屋企雖然冇乜嘢做，我只係自己玩 candy crush，但我都唔覺得悶！因為有佢響我身邊。。。個傻佬做做吓功課又會過嚟陪吓我，夠鐘又會餵我食藥♥同佢簡簡單單咁響屋企，我已經好滿足！今晚佢做功課做到咁上下，我哋就落街食飯，同佢由屋企拖住手去食飯，再拖住手去百佳，然後一齊返屋企，種感覺真係好 sweet，好想好想同佢一齊生活。。。經過今日之後，我更期待同佢去台北旅行，因為我好想好想再好似今日咁，可以攬住佢唔放！
真正相愛的兩個人，
沒有付出的理由
只有默默的守護
只有互相的珍惜
只有 互相的體諒
才能一直牽手到老
分類: 我們的生活點滴 |
