尋日打完針之後，今日勁攰。。。爸爸話可能係支針令到我又發番燒！加上尋晚又喪咳，咳到聲又開始變。。。
今日睇完中醫之後，我去咗買嘢整甜品就返咗屋企，食咗啲西藥後，我已經頂唔順返上床瞓，瞓到連公司whatsapp 個group喪響我都聽唔到，直到四點周身痛到醒咗先起身！
如果食甜品係可以令人覺得開心，我諗整甜品應該已經變成係令我 relax嘅唯一方法。。。 （以前一覺得有壓力就不停食煙） 我發現每當我整完一款甜品比低能仔，見到佢好開心咁食，又或者聽到佢一句“好好味”嘅時候，我覺得好開心，種感覺會好似relax咗好多，我好似將所有壓力都放晒落啲甜品到，但有人話我想儲肥佢囉！
低能仔，我真係好鍾意整甜品比你食，以前除咗試過整過一個生日蛋糕送比人，我就冇試過整嘢食比第二個男仔，就連肥僑都冇試過！唔知點解我好鍾意睇甜品食譜，我好想整啲你鍾意嘅嘢食，我更想了解你口味多一啲。。。其實我更想為你做一個稱職嘅女朋友，除咗甜品外，更可以為你煮飯煲湯，我真係好想好想為你而做、為你而學！
分類: 我們的生活點滴 |
