尋晚好早就眼瞓喇！我諗同低能仔 whatsapp完唔使5分鐘就瞓著咗，不過4點幾又咳醒咗😓今朝起身，個身雖然仲痛，但已經好過尋日喇！尋晚低能仔幫我鍊完真係舒服好多，兼且亦瞓得好咗添。。。
今日返到鋪頭已經好忙，夜晚又係得我一個，一直忙到收工。。。今日時間過得真係好快，眨吓眼又見到低能仔，個傻佬今晚嚟咗接我食飯😊病咗咁耐，其實食乜都冇乜味覺，但今晚我好想食麥記，仲好想食我平時唔食嘅薯條。。。有人除咗比我食麥記外，仲好好咁比我飲埋可樂添！
食完飯我哋行去灣仔搭車，行過 OK時，我仲嗲佢食雪糕。。。我好鍾意同佢 share食一杯雪糕，我好鍾意食親啲乜都同佢 share，我好享受佢餵我食嘢，而我亦好鍾意餵番佢食嘢嗰一刻，我覺得咁樣好開心、好幸福！
你呢？呢啲咁簡單嘅事，又會唔會令你感到開心同幸福呢？
分類: 我們的生活點滴 |
