尋晚我哋又冇講 Goodnight就瞓咗，今朝扎醒咗，第一時間睇吓低能仔有冇揾我，除咗4點幾佢醒咗揾過我外，今朝成朝都冇揾過我。。。。我 whatsapp完佢，等咗好耐，佢都冇揾我！最後我打電話比佢，原來有人仲瞓緊囉。。。。今日有人又遲到，哈哈。。。同低能仔傾咗一陣後，我就食藥再瞓番！瞓到點幾就起身整嘢返工，低能仔見我未退燒，其實想我請假，但我堅持返工，因為我要為我哋嘅6、7月作好準備，所以我一定要堅持落去！
今日返半日，好快就到收工。。。低能仔今晚嚟接我食飯，食完飯我哋返咗屋企，因為有人買咗部相機比我，所以教我點用😘我好鍾意部相機，部相機係佢為我而揀，為我而買，亦係佢最鍾意嘅顏色，所以我好鍾意部機😘😘😘其實只要係你揀，我就會覺得好鍾意，帶住響身邊就好似有你響身邊咁！低能仔，多謝你！
分類: 我們的生活點滴 |
