今日係假期嘅最後一日，聽日就要，返工喇。。。今日瞓到一點先起身，爽爆！！
低能仔今日要返工，而我就自己響屋企！今晚佢收工後要落旺角，我就睇完跌打返屋企等佢！唔知點解今晚特別掛住佢。。。。真係真係好掛住佢😔好想佢可以響我身邊，好想佢攬住我！！
十點幾低能仔就返咗嚟，佢響樓下等埋我先一齊返屋企，不過佢今日好攰，尋晚有人好夜先瞓，加上今日又返工，搞到佢超攰。。。今晚幫佢鍊咗一陣，佢就唔比我鍊喇！因為我尋晚淋過雨，由尋晚開始成身都好熱，就連塊面都紅晒，佢怕我辛苦，所以就要我抖吓！其實我寧願自己病，都唔想佢攰。。。
低能仔真係唔記得咗尋日係乜嘢日子，但其實又有乜所謂？？始終最重要係依家，佢同我講唔想我冇咗自己，冇咗私人時間。。。但我發現原來我嘅一切都係充滿佢，不論我做乜，諗乜都只得佢！依家要我揾番自己，又係咪真係咁容易呢？我好似所有嘢都已經依賴咗佢，假如依家要我失去佢，我真係唔知點算！我好驚好驚。。。我應該點算？？
分類: 我們的生活點滴 |
