今日返工得我一個人。。。個人好攰好攰。。。食晏冇得休息嗰一個鐘，真係差好遠！！

今朝搭車返工去到銅鑼灣時，我響架車到望到低能仔，即時醒晒💗原來佢趕住去換完散銀返鋪頭，估唔到唔使等夜晚都可以見到佢😚真係好呀！！

今晚超忙，加上今日冇休息過，隻腳又腫番😞好痛好痛呀！好唔容易先捱到低能仔嚟接我。。。不過佢個樣勁攰，佢尋晚又好夜瞓！！！結果我決定連飯都唔食，就直接返去，今晚我哋冇乜嘢講，我亦冇上去佢到，原本佢想送埋我返屋企，不過我唔捨得見到佢攰，我叫咗佢返去之後，我自己先行去買嘢食，今晚只係食燒賣。。。一人晚餐的確有啲寂寞，但食住我成日同佢一齊食嘅嘢，我竟然覺得有啲幸福！我終於明白乜嘢叫“見唔到都係陪住！”