今日返 Wtc.... 超忙😔因為嚟緊有成個星期都係返灣仔，所以今日要整埋啲手尾比佢哋，好攰呀！
今日成日都好掛住低能仔，我好想攬住佢呀！響鋪頭同車厘子傾計時，佢仲笑我同低能仔拍咗拖成年都仲咁掛住，點知原來車厘子自己都係咁😂😂其實拍咗拖一年，我都唔覺得好似一齊咗好耐咁，種感覺仲好似初初一齊咁，每日、每晚最期待都係見到佢&佢嘅 whatsapp，每一次都一樣會令我好開心同期待架💞
今晚低能仔嚟咗接我，終於有人今晚係有笑容，而且仲陪我食嘢添😘個傻佬知我聽日返灣仔，就不停叮囑我唔准食啲乜，又要我小心啲隻腳，雖然佢講嘅時候，我一直都扮傻，但其實我好開心，因為我知佢緊張我。。。。而我亦想話你知，你講嘅每一句我都記得，放心，我要食嘅都要你陪我，我先食！因為有你陪我食，我開心好多😘
分類: 我們的生活點滴 |
