今日第一日返fresh mart。。。。 今朝低能仔叫醒我食早餐，然後就一齊搭車返工！今朝食咗個開心嘅早餐😘😘
第一日返到 fresh mart真係超多嘢做，我唔鍾意嗰到嘅環境，係好唔鍾意好唔鍾意😔嗰到做乜都唔方便，我唔想再返去喇😞今晚原本收9點，但19幾萬嘢要整，足足搞到10點先走！！！！！
今晚低能仔都收好夜，原本佢叫我收工返去先，但我自己都收10點，最後都係等埋先走。。。見到佢我其實好開心，因為佢係我嘅甜品，不過佢今晚好攰，我哋都冇乜講嘢，直到上到車，佢幫我抹汗，我真係好冧架💞
可惜落車之後。。。。我知道佢都攰，所以我諗住各自返屋企，我行到半路先知佢依然響我後面，原來個傻佬諗住送埋我返去，我的確係好開心，但我根本唔想見佢攰，我咪話自己返去，後來佢好細聲講咗啲嘢，我根本就聽唔到，咪問多次佢講乜？最後換嚟嘅係。。。。佢好大聲咁講“唉，冇嘢喇！”究竟我係咪做錯啲乜？我只係知道嗰一刻我好想喊出嚟，其實我都同你一樣都好攰架！
分類: 我們的生活點滴 |
