今日依然都係好早就痛醒咗，食咗藥之後都係瞓唔番😭結果就起身同媽咪去食嘢，然後剪埋頭髮，就返嚟再瞓過。。。。但我發現每次當我晏晝瞓覺嘅時候，我手提電話都一定會喪響😓
今晚返咗阿麻到食飯，我帶埋 Boss送嘅松葉蟹過去，阿麻佢哋本身唔多食海鮮，尤其係阿叔。。。因為所有有殼嘅海鮮佢從來都唔會掂，但今晚佢同阿麻竟然食得好開心，我同爸爸都估佢哋唔到！
聽日就去台灣喇！要執嘅嘢都執好晒。。。。只要聽朝放埋低能仔啲行李落行李箱就完全搞掂晒。。。其實我想去台灣時唔再食林德华啲藥，因為食完之後，個人好憫同食煙都多咗，所以我唔鍾意睇林德华😔但可惜呢啲藥係一個療程，唔可以停。。。。
分類: 我們的生活點滴 |
