尋晚要自己一個人瞓，今朝張開眼見唔到低能仔響隔離，我覺得好唔習慣！以前我一直都唔鍾意同人孖鋪，因為我覺得瞓得唔舒服。。。臨去旅行前，其實我都有擔心過會唔習慣，但今日我愛上咗我張床多一個人同我瞓，嗰個就係佢。。。
呢個 trip發生咗好多嘢，但亦令我哋感情好咗好多！一直以嚟，有啲嘢我都唔知點同佢講，呢樣嘢亦令我覺得我冇可能可以同佢一生一世，估唔到竟然響今個甜蜜之旅所有嘢都發生晒。。。經歷過呢件事後，我以為我徹底失去佢！我冇估過我哋依然可以一齊，兼且低能仔對我更加細心，更加好！呢一刻我覺得好實在，好幸福，俾以前更加幸福！
今日我瞓醒後，低能仔仲瞓緊，所以我出咗去同爸爸佢哋食嘢，然後就買涼茶返嚟俾低能仔。。。晏晝我上咗佢到，好鍾意攬住佢瞓，簡簡單單咁生活<3夜晚佢約咗人交收，我就返阿麻到食飯同等佢返嚟。。。第一次等佢返係等得咁sweet💗低能仔，I Miss U so much....
分類: 我們的生活點滴 |
