今日返工喇。。。。好掛住響台北同低能仔一齊嘅時候，今日成日都好掛住佢！今朝個傻佬打嚟叫醒我返工，唔知點解我覺得今朝嘅佢特別温柔<3真係好，有人叫醒我起身，真係幸福，以後都可以咁就好喇！
今日我帶咗低能仔買俾我個袋返工，返到去我死都唔擺個袋上閣樓，Auntie問我做乜個袋咁靚，唔放上閣樓？我話個袋因為係男朋友送，我怕閣樓整污糟，放響呢到我可以成日都睇到，嘻嘻。。。。結果比人話我曬命！
今日當我咩住呢個袋時，我覺得好靚！我發現我真係唔需要用名牌，普普通通一個袋都已經可以襯到衫，冇牌子其實都好靚吖！最緊要係我鍾意咪得，假如唔鍾意嘅，就算你係一個 LV我都一樣唔會鍾意，唔會用。。。低能仔，你明白嘛？
今晚收工低能仔嚟接我，今晚嘅 sweet以前真係未試過，兼且以前如果佢約咗朋友，佢唔會同我講佢唔介意我響到，今晚聽到呢句，已經覺得好足夠！所以我同佢講，叫佢聽晚自己同朋友食飯，我響屋企買定涼茶等佢返。。。低能仔，雖然我都好想識你啲朋友，但我都想你有返啲私人空間同朋友一齊，我諗咁樣你會開心啲💗
分類: 我們的生活點滴 |
