今日請咗假，估唔到今個月最後一日竟然頂唔順，以為可以堅持成個月唔請假架嘛！！今朝低能仔打嚟叫醒我，我同佢講話攰，所以冇返工。。。。直到去睇醫生前我先話佢知我其實係唔舒服！
睇完醫生食咗藥後，唔止發燒同肚痛，仲痛到係咁嘔，一個鐘裡面嘔咗超過10次😓完全冇晒力，辛苦到瞓著咗。。。原本低能仔話收工後返嚟睇我，但我叫咗佢返屋企，我未試過辛苦到唔見佢，以前我病都會撐住見佢，但今日真係撐唔住。。。我好掛住佢呀！
今日成日都係瞓，攰到 whatsapp同電話係咁響都聽唔到。。。。今晚十一點幾醒咗就即刻打俾低能仔，見唔到佢都好想聽吓佢把聲！個傻佬叫我要食多次藥先準瞓，佢知我嘔到咁，又冇食過嘢，要我食啲餅先食藥，本來我想唔食架，但最後我都有乖乖哋食嘢同食藥，因為我唔想佢擔心我！我想快啲好番，咁就可以又攬實佢、嗲佢<3
低能仔，今日雖然我真係好辛苦，但我覺得你比以前對我細心咗好多，我真係覺得好幸福。。。我響你身上終於明白咩叫先苦後甜喇！有你，無論有幾辛苦，我都依然能夠撐得住！
分類: 我們的生活點滴 |
