今朝一起身個人好暈，而且冇乜聲，又係咁咳。。。仲要發埋燒，好辛苦呀！所以今日請咗假。。。

同 Irene請完假後，即刻落林德华睇醫生，一等就等成1.5個鐘，襯等緊嘅時候，我去咗食定早餐先，因為每次食完藥後，我都冇乜胃口食嘢。。。。。醫生話我燒到102度同埋氣管炎，要我食4日藥！其實醫生想我休埋聽日，但嚟緊都超忙，所以唔可以請假。。。。

睇完醫生返到屋企瞓咗一陣，低能仔就打比我，佢今晚約咗同事 chok墨魚，原本以為晏晝可以同佢食嘢架，但佢話唔好。。。。今晚先-_-"其實我只係唔舒服想嗲吓你同攬住你！好掛住你。。。。

今晚你個人唔響我身邊，不過我有你買俾我個水晶球陪我，見唔到都係陪住。。。我終於都整好嗰間屋喇！你知嘛，雖然食咗啲藥隻手好震，搞到間屋好難整同有啲吃力，但我一直幻想呢間係我哋嘅 sweet home ，好想整好俾你睇吓，好想你都會鍾意！唔知你覺得靚唔靚呢？唔知你今晚又玩得開唔開心呢？