忙咗三日，聽日終於都可以休息喇！成個人都散晒，仲要係咁流鼻水同咳。。。。
雖然今日返晏，但返到去有好多嘢要做，要執返尋日打完扙之後嘅手尾，又要做埋電腦嘅文件，再加埋要做生意，五個鐘的確唔夠用。。。今晚低能仔嚟咗接我，我依然勁忙。。。但佢冇自己行吓先，反而響鋪頭陪我做嘢，我知佢好攰好攰，不過我忙到冇時間理佢。。。幸好今晚可以準時收工！
收工後，我哋臨食飯前去咗買嘢，見佢最近抵抗力好似差咗，我買咗康鈣C俾佢，開頭佢嫌貴死都唔肯俾我買。。。不過我有免屎金牌，因為有人尋日激嬲我，所以我同佢講，如果想我唔嬲就要乖乖哋飲，哈哈。。。其實每次幫你買紙巾等等嘅日常用品，我都會覺得自己好幸福，因為有人可以俾我為佢做咁多嘢，有人俾我掛住，有人俾我對佢好同愛佢，我都覺得係得來不易，所以我好珍惜同 enjoy呢一切！
食完飯我哋都搭車返屋企，今晚我冇上佢到。。。 由得佢返去休息吓！個傻佬返到去突然 whatsapp我同講“ 冇第二個可以對我更好，驚你以為我搵第二個！ ”睇完之後，我覺得好開心。。。但同時想同你講，其實我有驚過。。。因為俾我更好嘅人大有人在，我只不過係一個好普通嘅人，我只係想將我覺得最好嘅嘢，都一一俾晒你！我只係想繼續去愛一個我好愛好愛嘅人，我只係希望你會開心！我更希望嘅係。。。。唔好再令我諗起“躺一躺”呢首歌，可以嘛？
就像沒有呼吸不懂講一句
就像瞎了眼睛常看錯是對
我的心原來平如止水
原來平如可像 如從前六七歲
被你掉棄像廢紙怎可再做愛侶
自問大個怎麼進跟退失據
自問活潑怎麼全欠了樂趣
也許聽見某某隨便講
對愛太過觀望會刺痛如火葬
就算淚再掉也乾 我沒說謊
如果你回家躺一躺
我未夠膽 沒法伴你在旁
回望與你昨日何其風光
何謂愛情 怎會淡忘
想要留低 看一看 但眼淚無聲淌
為這戀愛遊戲 我全情全心放
輸了自覺亦夠好看
明日有誰留得低
甚至淌淚也不覺矜貴
明白愛情多專一都會被別人浪費
就像熟到你不說的都猜對
就像絕到我想前進你後退
地老天長誰人談得起
平凡人誰不是 勉勉強捱得去
為免被你贈兩巴 也就閉嘴
分類: 我們的生活點滴 |
