尋晚食咗啲傷風藥好早就眼瞓，瞓到今朝十點幾就起身同爸爸食早餐，同埋去整指甲！今次整咗低能仔叫我整嘅深紫色，好靚呀！！不過整完指甲之後落好大雨，搞到成身濕晒。。。。所以返到去即時食咗啲傷風藥就瞓覺，好攰。。。。
姑姐今日過咗嚟，起身之後就返咗阿麻到食飯，但我冇胃口食，只係成身不停出冷汗。。。。佢哋話我把聲好沙同好殘，我即時返屋企化返個妝，因為我今晚要去接低能仔收工，我好耐都冇等過佢喇。。。。我唔想俾佢見到我咁殘呀！可能太耐冇等過佢，我竟然好期待^^
今晚有人望落好似精神啲，相反到我好攰。。。接咗佢收工，我哋落咗灣仔行咗一陣同食埋嘢就返咗去。。。。今晚我冇上到佢到，因為我真係好攰同好唔舒服，不過我同佢好似好多日都冇試過靜靜哋咁二人世界喇！低能仔，當我睇完鄺俊宇嗰篇“濫挽留”後，我真係好怕你都係咁，其實我真係好愛你。。。。
分類: 我們的生活點滴 |
