今日休息，十一點幾就醒咗喇！尋晚瞓得唔好，個鼻好塞同流鼻水，今朝成五點先瞓著咗。。。。今朝見到一大堆 msg，當中有低能仔。。。不過我所有 msg都冇覆過，包括低能仔嗰個我都冇覆到！我更將我電話教咗震機。。
下晝低能仔打俾我，問我做乜唔覆佢 msg?我連自己點解唔覆佢 msg我都唔知！睇完醫生我去咗食嘢，我去咗食“八方雲集”，其實我唔鍾意嗰到啲台灣麵線，因為佢嗰隻味好濃，但今日我好想好想食，我好想食番台北嗰種味道，不過根本唔一樣。。。我諗係我好想返番台北嘅日子，或者有啲嘢係唔一樣就係唔一樣！就好似我同佢嘅距離根本就遠咗，遠到我開唔開心佢已經感覺唔到，就連其實我已經向後退，佢都感覺唔到！
佢之前同我講“怕你以為我揾第二個”，睇到我的確有猶疑，呢排佢成日唔係因為攰而唔黑面，一係就放埋我一邊唔理，我真係覺得好辛苦，我叫自己唔好諗，但我真係做唔到。。。直到佢尋晚個anges b個套兼且個紅色袋，我真係冇辦法唔諗佢究竟係想俾邊個？明明知我唔鍾意紅色，但就同我講係買俾我？明明同我講個套係本身係想拎畀我，但最後就話係諗住俾人。。。究竟嗰個人係邊個呢？
低能仔，不如我哋算啦！我真係好攰，每日都努力去做好女朋友嘅角色，每日都要唔知有乜可以講、有乜唔可以講，呢種壓力同呢種視若無人嘅感覺真係好難受，我真係好簡單架咋，我只係好想好想好似台北嘅時候咁！
分類: 我們的生活點滴 |
