尋晚最終低能仔都冇返到嚟揾我，我sent完個 whatsapp俾佢，同佢講“不如我哋分開吓”後，我就自己落咗街坐咗一陣。。。。我諗返好多好多我同佢嘅嘢，我忍唔住打咗俾 cherry喊咗出嚟，我發現自己越嚟越唔識做人女朋友。。。。
十點幾佢終於都打俾我，佢一直解釋個套同個袋嘅嘢，但其實呢啲根本唔係主要原因。。。。個問題係我感受唔到佢嘅緊張，我唔係要一個接我放工、陪我食飯、陪我搭車，而又唔講嘢嘅男朋友，我會覺得我同自己一個人放工、食飯、搭車有乜分別？？我只係要一個識關心我、care我嘅人。。。。
尋晚好早就瞓咗，瞓到今日12點。。。起身見到佢嘅 whatsapp，明顯地佢今日的確關心我多咗。。。但我真係好怕呢種關心，又唔知可以維持到幾多日！
分類: 我們的生活點滴 |
