原本今日放假架。。。但阿容話太攰想連放兩假， Irene要我同佢調，所以今日嘅假期泡湯了。。。。好想同低能仔一齊放假！今日收到新嘅更表，以後逢星期五都要再返早啲。。。。嚟緊增加到每星期都有空運返，所以每逢星期四、五都應該要 ot，想喊呀！！！！
今日返工又超忙，忙住執開晒啲位用嚟放聽日啲貨，執清咗之後，先發現鋪頭可以賣嘅嘢真係少之有少😁我同Auntie兩個都0晒咀，個鋪頭變到空 nel nel😂😂😂
低能仔今日陣係教影相，好羨慕佢下晝可以響屋企 hea呀！我都好想可以瞓覺。。。。呢排就算食咗啲藥，啲鼻水一到夜晚都好似仲係咁流咁，搞到瞓得唔好！傷風搞到眼腫咗幾日，個人成日都好攰。。。好想放假響屋企扮死屍呀！！！
今晚低能仔要教班，要去影夜景，但都嚟咗接我，佢話要遲少少先到，問我等唔等佢？起初我以為佢響附近影夜景，加上我又未做晒啲嘢，所以就話等埋佢，到我收工打俾佢先知原來佢係特登出嚟接我。。。。早知係咁就叫佢唔好出嚟啦！咁咪唔使佢咁辛苦同咁趕，就係為咗接我食飯，我唔食都得架嘛！！其實只要同你開開心心我就足夠架喇！
分類: 我們的生活點滴 |
