今朝又係俾一連串嘅 whatsapp叫醒咗，起身將個電話較返震機之後，就再瞓過，一瞓就瞓到點幾先起身！幸好今日返到公司先開始落大雨，因為我冇帶遮，如果唔係我怕我又燒返。。。我唔想再令低能仔擔心我！
今晚響鋪頭發生咗一件意外，我坐響位嘅時候，突然聞到一陣膠味，跟住我側邊似放煙花咁，嚇到我即時呆咗。。。嗰一刻我個腦只係即時閃過低能仔個樣，我好怕會冇咗佢！
因為鋪頭嘅事，Eric叫我早啲收工，低能仔知道之後，就嚟咗接我收工！收工後我哋去咗食吉野家，好耐冇打過邊爐，今晚我哋食得好開心。。。食完嘢有人去食完甜品，就帶我去行759，仲買咗薯條俾我食！搭車嘅時候，我冇出聲，只係埃住佢玩電話，因為我覺得就算見面，都應該俾返少少時間大家休息吓，我知佢都攰，兼且我估佢都應該想靜靜哋聽吓歌！
呢幾日我知佢對我好咗好多，唔知繼續維持住呢種相處方式一直落去，我哋又係咪會開心啲？舒服啲？？
分類: 我們的生活點滴 |
