尋晚瞓得唔好，因為尋晚突然皮膚敏感，成身都好痕。。。成晚我成晚不停咁"R"，但我冇叫醒佢同佢講，我唔捨得整醒佢！不過，我依然搞到連低能仔都瞓得唔好，因為我成晚都郁嚟郁去，連佢都整醒埋！低能仔，對唔住呀！！
今朝醒過幾次，我隱約見到低能仔瞓瞓吓會攬住我，仲有錫我添。。。好冧呀！醒咗之後，我哋響長洲食咗個英式早餐"all day breakfast"！之後行咗一陣，我哋就搭船返香港，響車嘅時候，我攬住低能仔瞓咗一陣，雖然由長洲走嘅時候開始，我哋都冇乜講過嘢，但我知道我哋已經唔再同以前一樣，我知道佢真係好攰。。。因為個傻佬響船就算有幾攰都好，又或者同人 whatsapp，佢得閒都會攬吓我，陪我一齊睇一陣劇。。。
今晚我因為開始發燒同抖氣有問題，去咗睇林德华，醫生話我係食物過敏而引至皮膚敏感，而且過敏搞到氣管腫晒，佢話好在我乖乖哋去睇醫生，如果再嚴重啲會有機會氣管腫脹到完全呼吸唔到！
今晚原本我哋約咗一齊食飯，但最後我選擇咗唔見，我知佢已經好攰。。。我唔想再咁自私咁要佢陪住我，佢問我係咪唔見佢？其實我點會唔想見佢？只係我話過我可以獨立，就算再唔舒服都一樣可以唔依賴佢，我只係想佢開心！點知當我返到西村時，我見到佢行去7仔。。。話唔見都撞到，呢啲係緣份嗎？？佢陪我去完百佳買嘢，就送我返屋企。。。
分類: 我們的生活點滴 |
