好攰。。。真係好攰！
今朝低能仔叫醒我返工，但我依然抖氣好唔舒服，尋晚成晚都已經係咁，所以瞓得唔好！今朝我買定早餐等低能仔，不過我冇乜胃口，只係食咗少少就冇食喇！
今日由開鋪忙到收鋪，莫講話食飯，連去洗手間都冇時間！臨收工嘅時候，我依然好忙。。。我連低能仔嚟咗我都唔知呀！阿容話我知低能仔響門口等我，我就行出去睇。。。之後低能仔行咗入嚟接我，點知阿容 sell佢買嘢，幸好佢冇俾錢買咋！不過個傻佬講咗句嘢我好開心，佢話“我已經買咗佢啦！”阿容即時冇出聲，哈哈。。。
收工陪佢交收完，我哋行咗一陣先去食嘢，我依然冇胃口，連麥記個包都食唔晒，食完嘢我哋去埋759就搭車返去喇！今晚架車好多人，我哋都冇位坐，我攰到真係企響到都瞓得著。。。當低能仔攬住我嘅時候，我好想攬實佢，完全依靠佢。。。但最終我都唔夠膽埃晒落佢到，因為我知佢都好攰，假如再有我呢個負擔，佢只會攰上加攰！！
分類: 我們的生活點滴 |
