尋晚又係瞓得唔好，抖氣抖得好辛苦。。。今朝我請咗假，本來諗住只係休息半日，但最後佢哋叫我今日好好休息吓。。。今日睇醫生時，醫生話我呼吸能力跌咗，所以要我聞咗氣先可以走！聞咗氣之後，好似好返啲，不過食埋啲藥之後，個人好攰好攰。。。
睇完醫生我就返咗屋企，好耐都冇試過成日留響屋企。。。好掛住低能仔呀！低能仔收工之後就 whatsapp我，問我係咪響屋企等緊佢？原本我想覆佢係架。。。不過最後都del咗呢句！因為我知佢想行吓，個傻佬就係咁，每次放工都鍾意行一陣先返，所以我都由得佢，嘻嘻。。。最緊要佢開心咪得！
佢媽咪28号就返喇！唔捨得呢啲二人世界嘅日子，突然響到諗，我哋會唔會之後因為少見咗而令到佢唔再愛我呢？我開始覺得驚。。。我哋可以二人世界嘅日子只係得返5日咋！原本諗住去愉景灣，我諗依家都應該去唔到喇！唔知以後會變成點呢？
分類: 我們的生活點滴 |
