今日瞓得好好，冇朝早7點幾就起身，只係瞓到9點幾，低能仔打電話俾我，話屋企洗手間個水箱溜水，想我下晝上去揾人幫佢睇下，但因為我屋企之前都試過係咁，爸爸就教我將水箱個制擰番緊就得，所以我就叫低能仔試吓。。。佢搞掂之後，就再打俾我話已經冇事！同佢收線後，我竟然可以再瞓番，瞓到成2點先起身食藥，跟住再瞓過，瞓到6點幾，好舒服呀！
尋晚低能仔返到嚟，我響屋企幫佢鍊骨嘅時候，終於我都忍唔住問佢衣櫃裡嘅嘢，佢最後將“她”嗰袋嘢，響我面前掉咗。。。本身估想留低封信做紀念，但佢怕我唔鍾意，最終都響我面前撕爛咗，其實我係咪好自私呢？連少少屬於“她”嘅嘢都容納唔到。。。。
今晚佢收工就返咗嚟陪我，成晚都陪我睇電視。。。呢種生活只係剩番2日咋！我好鍾意同佢平平淡淡咁一齊，就算響屋企佢有佢玩電腦，我有我玩電話嘅時候，我都會覺得好開心，因為我哋成日見到啲自己覺得得意嘅嘢，都會拎俾對方睇，然後就笑一餐，呢種生活好自在，好開心，15個月裡面都冇變過，我覺得好難得架。。。
或者因為咁，我認定咗佢係我要揾嘅人，好希望一世都可以對住佢，好希望會有朝一日，有一個屬於我哋兩個嘅屋企！我唔需要我哋屋企好大，我唔需要佢俾好好嘅生活我，我更唔需要好似嗰個 Tobe咁，要佢學識做家務同煮飯，因為呢一切，我都希望自己能夠為佢做！我只希望可以令佢每日都係笑住咁返屋企，笑住咁一齊生活。。。呢一切，我對住之前嗰個全部都冇諗過！
分類: 我們的生活點滴 |
