尋晚瞓得唔好，瞓到半夜半邊身痛得好緊要，今日成日都依然係咁。。。。今日起身嘅時候，終於都覺得有啲秋天嘅感覺，因為超大風。。。好舒服呀！我諗呢啲天氣對低能仔嚟講應該會舒服啲啫😄
今日返到鋪頭又開始抖氣好辛苦，又要吸哮喘藥。。。每次吸完個頭都好痛、好實！但我唔想去靚仔醫生到拎藥，食完啲藥好辛苦架。。。所以唯有要忍住！究竟呢啲日子仲要捱幾耐呀？？
收工後，去咗灣仔接低能仔。。。個傻佬個樣好攰，原來佢周身都出現敏感，今晚我哋冇食麥記，去咗茶餐廳到食，襯佢食緊嘅時候，我去咗買敏感藥俾佢，今次佢好乖，肯聽話食藥，抵錫。。。食完嘢飲埋涼茶就返去，今晚我冇上佢到，可以二人世界嘅時間已經剩餘唔多，我已經好唔捨得！！我好想時間永遠都停留響到，等我依然可以繼續對佢好，繼續得閒煮飯俾佢食，繼續攬住一齊睇電視。。。唔知呢啲日子，幾時先可以再擁有呢？
分類: 我們的生活點滴 |
