今日返早，每逢星期五都係我同低能仔嘅早餐日！雖然佢媽咪返咗，但今朝我哋都如常食早餐，然後一齊返工！
今日返到鋪頭，我哋發現有米奇老鼠偷食鋪頭啲嘢，好驚呀。。。。本身已經有潔癖嘅我，知道有米奇老鼠後，我就將啲消毒紙巾放晒響身，成日不停抹抹抹。。。好驚掂到佢哋行過嘅地方！boss話下個月頭會請人返嚟幫米奇一家滅門，希望到時會好啲啦！！
今晚收工後，我趕住走，因為我怕會阻咗同低能仔見面嘅時間，始終佢媽咪返咗後，點都要抽時間陪佢，我唔可以再成日霸住人哋個仔喇！低能仔今日帶咗兩盒嘢俾我，係 Auntie響日本買返嚟俾我，我覺得好窩心！因為上次 Auntie臨走前，我同佢好似搞到好唔開心咁，所以我冇諗過今次佢返嚟，竟然會送嘢俾我架。。。
今晚同低能仔食完嘢後，我哋就搭車返去。。。返到嚟我幫佢鍊咗一陣先走，估唔到我仲有機會幫佢鍊，雖然係響屋企樓下，但我已經好滿足喇！
分類: 我們的生活點滴 |
