今朝同爸爸食完早餐，就約咗 Stella gel nail。。。
同Stella識咗都好耐，睇住佢同佢男朋友一直都好 sweet，而且佢哋聽我同低能仔去完台北後，感情好過以前，所以佢哋都 book咗下個月去台北，點知今日見到佢，佢話佢男朋友一個星期前突然搬走咗。。。睇到佢咁。。。突然覺得感情真係話變就變，呢一分鐘可以好愛你，但下一秒鐘可以話走就走！感情係咪真係冇得保證？你做盡女朋友應該要做嘅嘢，對佢好、愛佢、照顧好佢，但最後換嚟只係一個咁大嘅傷害。。。
其實要揾一個可以一生一世嘅人係咪真係咁難？點解當擁有一個嘅時候，要去識另一個？？當日大家苦心經營嘅感情，可以話變就變，話走就走？！響你狠心掉低身邊嗰個離開嘅時候，有冇諗過被你掉低嗰個，有機會會捱唔住？有機會企唔返起身？
見到佢食又食唔到、瞓又瞓唔到。。。。令我諗起當日嘅自己！我好怕有一日當低能仔掉低我嘅時候，我真係會捱唔住，我真係會捱唔過！我好驚會冇咗佢。。。我唔想呀
分類: 我們的生活點滴 |
