今日瞓到十二點幾先起身，但依然好攰。。。起身整埋啲嘢之後，就整嘢出去太古城喇！！
今日響太古城試咗間 pokka 嘅附屬餐廳，嗰到啲嘢好好味，好食過上次響尖沙咀同低能仔食嗰間 pokka，好想下次同低能仔去食。。。
響太古城5點幾先走，而低能仔都差唔多返。。。返到屋企我冇食過飯，就拿拿臨整嘢俾低能仔食。。。不過我好衰，要佢臨食之前影相放上 Facebook，以前我好少逼佢咁做，但今晚我真係好想，我好自私咁想佢啲朋友知佢有女朋友！今晚當佢攬實我時，我忍唔住喊咗出嚟，因為我真係好驚，好驚會冇咗佢，種感覺好唔實在。。。佢同我講要鍾意就鍾意唔會變！喊完之後，我就幫佢鍊骨，我仲係咁嗲佢要佢星期一早啲返嚟陪我，我諗我從來未試過咁。。。或者我真係需要番啲安全感，所以先會突然咁樣！
好耐都冇試過二人世界，今晚我過得好開心，我哋兩個響屋企玩到癲咗，好耐冇試過大家都笑得咁開心喇！而且仲睇埋佢寫嗰本日記，其實一路以嚟，我都係靠嗰本嘢嚟知佢諗乜。。。我睇緊嘅時候，見佢行去禁電話，我即時望住佢。。。不停響到諗係whatsapp嗎？係嗰個女仔嗎？直到佢同我講唔係 whatsapp我先繼續睇嗰本日記，但點解你依然都唔願意我睇你電話？點解我會變得咁敏感？我好討厭自己。。。
分類: 我們的生活點滴 |
