尋晚半夜開始就不停發冷又發熱。。。成晚瞓得一啲都唔好，今朝仲覺得好暈，所以就請咗 sick leave！
今日成日都留咗響屋企休息，抖到7點幾先出去睇醫生，而低能仔因為要搞埋啲嘢，7點幾先響石門走。。。之後就趕返嚟揾我！等佢嘅時候，我不停響到諗，依家佢越嚟越忙，又要照顧埋我，佢一定好辛苦。。。所以我冇催佢返嚟，只係乖乖哋咁等佢返，我陣係希望我唔好變咗佢嘅包袱，想佢可以安心咁做好自己嘅嘢！
佢9點幾先出到嚟接我，但我冇乜胃口，所以只係陪佢食飯。。。今晚個傻佬同我發咗個毒誓，話唔會揾小三，兼且唔會同人有曖昧行為，原來個傻佬真係會俾返啲安全感我，不過佢發完個誓之後，就要我應承佢一樣嘢，嗰樣就係。。。到我揾到另一份工之後，就唔可以同佢哋兩個再 contact！唔。。。。呢樣嘢對我嚟講，其實都冇乜問題嘅，我諗我要再努力啲揾工先得！
分類: 我們的生活點滴 |
