今日係星期日，十二點幾我就出咗去，落到香港仔想揾嘅書又冇，所以我最後落灣仔揾，不過原來係有電子書架！
低能仔今日要出去影相，因為佢一早已經約咗人，而我亦都應承咗佢，所以我都預咗佢陪唔到我。。。我一直都係期待住聽日！點知。。。
或者因為尋晚我同佢都搞到唔係好開心，所以今日我心情都唔係咁好！當佢 whatsapp同我講，佢聽日陪唔到我，佢要返工時，起初我都覺得冇問題，因為我仲有個星期二都係放假，但直到佢話星期二都要返嘅時候，我真係好失望咁問佢，究竟幾時先排到我？
原來從前誰也有錯
原來沿途誰都心多
痛恨過 卻記得清楚
浪漫怎麼經過
算甚麼 曾在軟弱時
其實得不到你認可
就係因為咁，我有一刻真係好想好想放棄！亦因為咁，我覺得自己其實好攰。。。我好多嘢都唔介意去忍受，好多嘢都唔介意去付出，甚至要好努力去維繫我都唔介意！只係我唔知我到底要再做幾多，先可以換嚟一心一世？！我知道今日我發咁大皮氣，佢陪唔到我其實只不過係導火線，實際原因係尋晚剛剛先搞到咁唔開心，今日又咁樣。。。我覺得好辛苦！我企咗響灣仔喊咗好耐好耐。。。我發現自己已經變得好黑人憎，變得唔再重要喇！！
分類: 我們的生活點滴 |
