尋晚瞓得一啲都唔好，成晚不停流鼻水同咳，今朝好早又俾媽咪嘈醒咗，個人好攰。。。晏晝約咗家姐落灣仔，食完嘢就去咗銅鑼灣！
今日低能仔放兩點半，佢應承咗我今日陪我，好開心！佢終於有一日可以陪我咁耐喇。。。。佢三點幾就出咗嚟接我，我哋行咗一陣就返咗屋企二人世界，返到去個傻佬已經攰到瞓著咗，我攬住佢瞓咗陣就起咗身，由佢繼續瞓。。。本來佢話起身吸塵、抹地架！但見佢咁攰，我邊捨得要佢做，所以我叫佢繼續瞓，我就去整埋去！我只係想你舒舒服服咁。。。
今晚我癡住佢癡到十點幾，好想一直攬住佢，但我知道佢已經陪咗我好耐，我唔可以連佢僅有嘅私人時間都霸埋，我話過要做個好女朋友嘛！所以我幫佢鍊埋骨、開埋爐同倒埋垃圾就走喇。。。始終我都怕佢會覺得煩！！
分類: 我們的生活點滴 |
