今朝一起身，啲鼻水又係咁流，乞嗤又係咁打，食咗啲藥都係冇用，好似仲勁過尋日！結果今日響屋企抖咗成日，超辛苦。。。
經過尋日件事之後，我以為今日放假終於都可以靜吓，但5點幾嘅時候，俾連續幾個 whatsapp嘈醒咗，又係佢😔其實可唔可以俾我靜吓？好煩。。。真係好煩！由始至終我都係一樣，我只係想安安靜靜咁返工，做番自己本份，我冇諗過要爭任何嘢，我只係為咗當日嘅一個承諾，更何況我都已經決定咗唔做，對佢應該唔會有任何威脅，點解唔肯放過我？？
俾“佢”搞到心情超低落，今晚都冇乜胃口食嘢，響阿麻到食完飯就返咗屋企等低能仔，今晚我好想攬住佢。。。其實每逢我心情唔好，我都好希望佢響我身邊，因為只有佢先可以令我開心番，只有佢攬實我，我先會覺得安心！
今晚佢陪我陪到差唔多12點，有佢感覺真係好實在。。。不過個傻佬係咁睇新聞，好少見佢咁關心一件事！佢話原本收工嘅時候，都好想去金鐘，但知道有人響到等佢，所以佢冇去！聽到佢咁講，我覺得好安心，不過你知唔知，我真係好怕你會去？！我明白啲人點解要咁做，但我唔想你有啲乜嘢事，你有事我真係唔知點算，我更加唔知點樣還番個仔俾 Auntie。。。我真係想你明白！
低能仔，多謝你響我唔開心嘅時候，陪響我身邊。。。
分類: 我們的生活點滴 |
