今日返 FM，今朝完全唔想起身，好想繼續瞓落去，但奈何。。。。
尋晚佢拍完嘢就出咗嚟接我，佢好耐冇試過拖得我咁大力、攬得我咁實！佢成晚都好就我，我想去邊佢就陪我去邊。。。之後我哋返咗屋企，佢陪住我到十二點幾先走！
感情真係需要溝通先可以長久，先可以知道對方諗緊啲乜！雖然我哋每日都會見，但就好似唔知對方諗緊啲乜咁。。。不過尋晚傾完之後，感覺好似好咗啲，起碼我會明白佢有時唔揾我係因為忙，而佢亦知道原來當佢唔理我時，我係會覺得難受。。。佢應承我佢有時間就會揾我，即使只係一句都已經足夠，因為起碼佢知道，我係會掛住佢！
今日個傻佬都好似尋日咁揾多咗我，雖然可能只係偶然一句，但我已經覺得好開心！今晚佢趕唔切嚟接我，但我已經冇以前咁唔開心，只係有少少失望！收工之後，去咗新開嗰間零食店買完嘢。。。冇佢響身邊，就算好肚餓，但都變得冇乜胃口！唔知佢食咗飯未呢？
分類: 我們的生活點滴 |
