今日 Boss落咗嚟，但因為某啲人、某啲事已經觸及我底線，令我心情真係唔多好！！所以我唔想講任何嘢，最後 Boss只係同我講吓笑就走咗。。。
今晚收工之後，去咗 Sogo揾低能仔，有佢，我心情就最好，有佢，我就會笑得最多。。。佢接咗我之後，我哋就去灣仔食飯，呢兩晚個傻佬食飯都坐我隔離，等我可以隨時都攬住佢！
食完飯，飲埋涼茶，我哋就搭車返去！今晚有人要拎淘寶。。。個傻佬買番個同以前電話一樣嘅套俾我，我勁鍾意嗰個套，因為係低能妹攬住低能仔！！之前換咗電話之後，我都唔捨得唔要個套，雖然新呢部電話用唔番嗰個套，但我都依然收好去，我唔捨得掉佢買俾我嘅嘢！
陪佢拆淘寶時，雖然我冇嘢做，但我唔覺得悶，因為佢會好低能咁介紹佢買嘅嘢有乜嘢用，哈哈。。。佢個樣仲要好滿足咁，見到佢個樣其實都覺得佢好傻，不過傻得嚟又好可愛、又好愛！
分類: 我們的生活點滴 |
